Psa 12 | YON | STEP | Yook ambo bi ye karub yeman. Seminit ye kiwaan wingki yeman. Dewid ye yook. Yariman , awawe. Eb kerekmen yaa doriibdan kuu dowan, anam anam yaa ma korondiyiibban awinimo doriibdan kuu nimakarub aombed wenebe dowan keriwen.

Psalms 12

Yook 12

Yook ambo bi ye karub yeman.Seminit ye kiwaan wingki yeman. Dewid ye yook.

1 Yariman, awawe. Eb kerekmen yaa doriibdan kuu dowan,
anam anam yaa ma korondiyiibban awinimo doriibdan kuu nimakarub aombed wenebe dowan keriwen.
2 Nimakarub korem kuu yi dia doriibdan yaa birandimaib,
kwane kobkob weng kuu yi mongkodem aombed menebimaan birandi ye dowad.
3 Kwane, kobkob weng dakmidan kuuYarimanbed kebenendok.
Kwane, kane kanembed kerengkan kame
4 “Nubkareb aromne dakmenabanuub kumbed yena yaa burudandande yi korok keranuub.
Nub komo dakmandamuub kuu kumbedmo, karub maambed kebendaanban.” ande dakmimaib kuuYarimanbed kebenendok.
5 Yarimanbed yedmoon, “Kamboknondan kuu arewa kamidanbed ben dabab wayiroon kuyiib
yenbandiwendan wareki kamiib kuyiib wedmaan kowe,
kibireb kee yaro dobaraan.
Yaro dobere yi dowaken yaambed dorondande awandaniin.” andoon.
6 Kwane,Yariman ye weng kuu karadmo, ma arewayiibban.
Ye weng kuu bot silvaa kande nengkanabi yeman aom kamone
yankoren anam keri dowad nengke ika ika kame ediib kerimaib kwane areb, karadmo kai.
7 OYariman, ebbed nub ben ongme oonaneeb,
kwane kuye arewa kamidan yaa kuu ebbed nub ben dorondandaneeb, aron korem.
8 Inamen miin arewa kuu nimakarub inamen amun ande kamiib kumbed
arewa kamidan kuu okad kuyaa nubkob ande kerengkan kame yarimaib.